Yabur Dawuda - Sora 46:1-12
1 Kora xa die xa bɛɛti bɛɛtibae xa mangɛ bɛ ginɛdimɛdi xui daaxi.
2 Ala won kantama nan a ra.
Won ma kantari na a yi ra.
A won malima won ma tɔɔrɔɛ birin kui.
3 Xa bɔxi sa sɛrɛn,
won mu gaaxuma.
Xa geya sa bira baa ma,
won mu gaaxuma.
4 Xa mɔrɔnyie sa xaaɲɛ,
won mu gaaxuma.
Xa geya sa a imaxa, a sɛrɛn,
won mu gaaxuma.
5 Xure nan a ra, naxan salonyie Ala xa taa rasɛɛwama.
Ala Xili Xungbe Kanyi xa hɔrɔmɔlingira sɛniyɛnxi na mɛnni nɛ.
6 Ala na na taa kui, na taa mu a ramaxama,
a a malima subaxɛ nɛɛfɛ a li.
7 Sie sɔnxɔɛ ratema,
mangɛyae birama nɛ.
Ala a xui raminima,
duniɲa birin xununmɛi nɛ.
8 Mangɛ Alatala na won sɛɛti ma.
Won ma kantari na Yaxuba Marigi Ala yi ra.
9 Wo fa Alatala xa wali mato,
a gbaloe naxan luxi bɔxi ma.
10 A tan nan gere ɲɔnma duniɲa birin ma.
A xali girama nɛ.
A tanbɛ kanama.
A makantase gan.
11 «Wo wo raxara, wo xa a kolon Ala na n tan nan na.
N si birin yaamarima.
N ma yaamari na duniɲa birin ma.»
12 Alatala na won sɛɛti ma,
Won ma kantari na Yaxuba Marigi Ala yi ra.
****
Maxɔrinyi: Ala wama won xa munse kolon? Xa i wama i gbe falafe muxu bɛ, i xa din.
Labe ra a sɛbɛxi dɛnnaxɛ «Masenyi nun maxɔrinyi rasanba muxu ma.»
Ala xa baraka sa a xa wɔyɛnyi ma. Amina.
