Yi Kitaabui xungbe findixi Kitaabui mɔxɔɲɛn nun solofere malanxie nan na. A fɔlɔxi Kitaabui naani nan ma naxee xili falama Inyila Isa. Annabi Matiyu, Annabi Maraki, Annabi Luki, nun Annabi Yaya, e naani birin Isa xa duniɲɛigiri ki nan masenxi na Kitaabui naani kui.
Isa xa Xɛɛrae xa Taruxui fee masenma won bɛ naxee dangixi Isa xa marakeli dangi xanbi.
Kitaabui naxee fama na taruxui xanbi ra, e findixi bataaxɛe nan na Annabi Pɔlu, Annabi Yaya, Annabi Piyɛri, Annabi Yaki, nun Annabi Yuda naxee sɛbɛxi danxaniyatɔɛ nde ma, xa na mu a ra danxaniyatɔɛ ɲama nde ma.
Kitaabui dɔnxɔɛ yi Kitaabuie ya ma, a findixi Ala xa Waxayi nan na. Annabi Yaya a sɛbɛxi danxaniyatɔɛe nan ma naxee nu na ɲaxankatafe e xa danxaniya xa fe ra.
Adamadi hayi na a Daali Mangɛ ma. Xa mixie mu kata Ala xa nɔndi kolonde, e mu nɔma fahaamui sɔtɔde naxan a niyama e xa kira fanyi suxu e xa duniɲɛigiri kui. Ala xa won mali alako yi Kitaabuie malanxi xa findi naiyalanyi ra Sosoe birin bɛ. Amina.
Wo din yi sɛbɛlie ra naxee na a bun ma alako wo xa nɔ Ala xa Kitaabuie ramɛde:
Inyila Isa:
Isa xa Xɛɛrae nun a fɔxirabir ɛe xa Bataaxɛe :
Rɔma
1 Korinti
2 Korinti
Galati
Efɛsɛ
Filipi
Kɔlɔsi
1 Tɛsaloniki
2 Tɛsaloniki
1 Timote
2 Timote
Tito
Filemon
Eburu
Yaki
1 Piyɛri
2 Piyɛri
1 Yaya
2 Yaya
3 Yaya
Yude
