Yabur Dawuda -
Sora 1:1-6
1 Ɲɛlɛxinyi na adama nan bɛ,
naxan mu birama mixi ɲaaxi xa marasi fɔxɔ ra,
naxan mu a ɲɛrɛma yunubitɔɛ fɔxɔ ra,
naxan mu a makɔrɛma mixie ra, naxee yoma Ala fe ma.
2 Ɲɛlɛxinyi na adama nan bɛ,
Alatala xa sɛriyɛ rafan naxan ma,
naxan a ɲɔxɔ sama Alatala xa sɛriyɛ xɔn ma kɔɛ nun yanyi.
3 Na adama maniyɛ
wuri bili ra naxan tixi xure dɛ.
A bogima a waxati.
A burɛxɛ mu lisima.
Na adama, fefe suxuma, a sɔɔnɛyama nɛ a bɛ.
4 Kɔnɔ a mu yi ki mixi ɲaaxie tan bɛ.
E tan maniyɛ maale lagi ra foye naxan xaninma.
5 Mixi ɲaaxie bɔnɔma nɛ kiiti waxati,
e mu luma tinxin mixie ya ma.
Lude mu na e bɛ.
6 Alatala mɛɛnima tinxintɔɛe ma a xa kira xɔn ma,
kɔnɔ mixi ɲaaxi tan xa kira findima gbaloe kira nan na.
****
Maxɔrinyi:
Ala xa sɛriyɛ findima munse ra ibunadama bɛ? Xa i wama i gbe falafe muxu bɛ, i xa din.
Labe ra a sɛbɛxi dɛnnaxɛ «Masenyi nun maxɔrinyi rasanba muxu ma.»
Ala xa baraka sa a xa wɔyɛnyi ma.
Amina.
