Ala xa Taalie - Sora 31:10-31
10 Nde nɔma ginɛ fanyi sɔtɔde?
A tide gbo diyaman bɛ.
11 A xa mɔri laxi a ra,
a findixi harige fanyi ra a bɛ tɛmui birin.
12 A fe fanyi rabama a xa mɔri bɛ,
a mu fe ɲaaxi yo rabama a ra a xa duniɲɛgiri kui.
13 A yɛxɛɛ xabe nun gɛsɛ fute fenma,
a nee rafalama sosee ra.
Na wali rafan a ma.
14 A luma alɔ yulɛ xa kunkui,
a sa baloe fenma yire makuye a fa a ra.
15 A kurunma nɛ alako a xa kuri so a xa denbaya bɛ,
a man wali soma a xa walikɛ ginɛe yi ra.
16 A bɔxi matoma nɛ, a fa na sara.
a geeni naxan sɔtɔma a na sarama sansi ra a a si.
17 A tunnabɛxi,
a walima sɛnbɛ ra.
18 A a kolon a xa wali sɔɔnɛyama nɛ.
A lanpui radɛxɛma, a wali kɔɛ fan na.
19 A yɛxɛɛ xabe findima gɛsɛ ra,
a gɛsɛ findima sose ra.
20 A setare kima,
a misikiinɛ malima.
21 A mu gaaxuma ɲɛmɛ ya ra,
barima a xinbeli donma fanyie yailanxi a xa denbaya bɛ.
22 A sade dugi yailanma,
a dugi tofanyi dɛgɛma a yɛtɛ bɛ.
23 Taa kuntigi nan a xa mɔri ra,
a dɔɔxi forie ya ma.
24 A sosee dɛgɛma, a e mati.
A bɛlɛtie fan yailanma,
yulɛe nee wafuma a ma.
25 A sɛnbɛ gbo, mixie a binyama.
A mu gaaxuma fefe ma.
26 A lɔnni masenma mixie bɛ,
a man e xaran a fanyi ra.
27 A a ɲɛngi sama a xa denbaya xɔn ma,
a mu walitareɲa kolon.
28 A xa die a matɔxɔma,
a xa mɔri a tantuma yi wɔyɛnyi ra.
29 «Ginɛ fanyie na na de,
kɔnɔ i maniyɛ mu na e ya ma.»
30 Fate xa tofanyi mixi madaxuma,
a mu buma.
Tantui na ginɛ nan bɛ
naxan gaaxuma Alatala ya ra.
31 Wo xa na ginɛ xa wali fanyi sare fi a ma,
wo xa na ginɛ mɔɔli matɔxɔ taa kui.
****
Maxɔrinyi: Ala wama ginɛ xa munse raba a xa duniɲɛigiri kui? Xa i wama i gbe falafe muxu bɛ, i xa din. Labe ra a sɛbɛxi dɛnnaxɛ «Masenyi nun maxɔrinyi rasanba muxu ma.»
Ala xa baraka sa a xa wɔyɛnyi ma. Amina.
